ವಾಸ್ತವ ಸತ್ಯ -ಪ್ರಸ್ತುತ ಶಿಕ್ಷಣ, ಆಕರ್ಷಣೆ:
ಶಿಕ್ಷಣವು ಇತಿಹಾಸ ತಿಳಿಸುವಂತಿರಬೇಕು, ಇತಿಹಾಸ ತಿಳಿಸದಿಹ ಶಿಕ್ಷಣವ ಬಿಡಬೇಕು:
ದೇಶ ಕೋಶದ ಜ್ಞಾನ ಅರಿಯುವಂತಿರಬೇಕು,ಅರಿಯದಿಹ ಕೆಲವರಿಗೆ ಅರಿತುಪೇಳ್ವರು ಬೇಕು:
ಅಂಕಗಳು ಶಿಕ್ಷಣದ ಮಾನದಂಡವುಅಲ್ಲ,ಆಕರ್ಷಣೆಯ ಮಾಳ್ಪ ಶಿಕ್ಷಣವು ಸಲ್ಲ:
ಪ್ರಸ್ತುತ ವಾತಾವರಣದಿ ಶಿಕ್ಷಣವು ವ್ಯಾಪಾರ, ಭಾವಚಿತ್ರವ ತೋರ್ಪ ಸಂಸ್ಥೆಗಳಪಾರ:
ಪೆತ್ತವರ ಚಿತ್ತವನು ಆಕರ್ಷಣೆಯ ಮಾಡಿ,ವಿದ್ಯಾರ್ಥಿಗಳ ಸೆಳೆಯೆ ಮಾದ್ಯಮದಿ ಮೋಡಿ:
ಮೋಡಿಯನು ಮಾಡುತಿಹ ಶೈಕ್ಷಣಿಕ ಸಂಸ್ಥೆಗಳ ಮೂಲಧ್ಯೇಯವ ತಾವು ಬಿಡದೆ ತಿಳಿಯುತ್ತ, ಜನನಿ ಜನಕರ ಬಗೆಗೆ ಪ್ರೀತಿ ಭಕುತಿಯು ತೋರಿ,ಜನ್ಮಭೂಮಿಯ ಸ್ತುತಿಪ ಶಿಕ್ಷಣವು ಸ್ತುತ್ಯ:
✍️ಸುಬ್ರಹ್ಮಣ್ಯ ಪ್ರಸಾದ್ ಮುದ್ರಾಡಿ,,
Post a Comment